Mawaddah Alsaegh: القدرات والتحصيلي🌟

🔘القدرات: هو اختبار يقيس مهارتك وقدراتك فأكثر شي أنصح به التدرييييب. على كثر ماتتدربوا على قد ماحتتطور مهاراتكم وبالتالي حيكون أداءكم أفضل بإذن الله.

طبعاً أول شيء لازم تسترجعوا القواعد والأفكار التي سبق دراستها وبعد كدا تبدأوا تدريب عشان تثبت، مو تبدأوا على طول وانتو ناسيين بعض الأفكار.

• كتاب رام١ (المنهج المطور) للمؤلف بهاء فوزي📘

الكتاب مقسم إلى أقسام وشامل للجزء الكمي واللفظي *سعره ٣٠ ريال💸*،

1️⃣ أولاً: مهارات التفكير الرياضي (الجبر والهندسة) ويلخص بعض القواعد المهمة التي يجب على الطالب/ة مراجعتها👍🏼 ويضع بعد ذلك تدريبات عامة وتدريبات على اسئلة المقارنات ومفاتيح الحلول بالتفصيل. أمانةً بعض الاسئلة التي في الكتاب مستواها أعلى من المستوى المتوقع في الاختبار ولكن لما تتدربوا على مستوى عالي حيسهل عليكم الي أقل منه ان شاءلله👌🏼 وأنا شخصياً عجبني الكتاب ولكن أذكر بعض من صديقاتي لم يناسبهم فأحرصوا انكم تتصفحوه قبل الشراء.

2️⃣ ثانياً: القسم اللفظي ويتضمّن (الخطأ السياقي، إكمال الجمل، التناظر اللفظي، استيعاب المقروء، الأمثال، معاني الكلمات) جمييلل جداً ويعطي فكرة عن كيف ممكن تجي الاسئلة وتوجد تدريبات بعد كل قسم مع الحلول👍🏼

3️⃣ ثالثاً: نماذج لإختبارات سابقة مع الحلول.

🔘التحصيلي: هو اختبار يقيس حصيلتك الدراسية والحلو فيه إنه محصور بمنهج محدد بعكس القدرات، وبالتالي احتمالية اكبر ان الاسئلة للأعوام المختلفة تكون مكررة أو شبيهة ببعضها. في القدرات نصحت بالتدريب بشكل كبير ولكن هنا أنصح بالمذاكرة والتجميعاات👍🏼

• كتاب التحصيلي (علمي) للمؤلف آل عبدالكريم📗

مفيييددد جداً جدداً وشامل ومختصر😍 أنصح به وطريقته في عرض المعلومة مرة جميل وحاولوا تشتروه من بدري لأنه فترة التحصيلي غالبًا يكون مخلص *سعره تقريباً في حدود ال٥٠ ريال💸*. الكتاب مقسم إلى أربعة أقسام ( رياضيات، فيزياء، كيمياء، أحياء). كل قسم يتم عرض المعلومات على جانب الصفحة والجانب المقابل اسئلة متعلقة بالمعلومات المذكورة في نفس الصفحة. تاخذ المعلومة وتثبتها بحل التدريبات👌🏼 وبعد كل قسم توجد الحلول.

✨معلومة: تقدروا تحملوا الكتاب من موقع دار الحرف وهو daralharf.com ويقدم دورات تدريبية أيضاً+ نفس المؤلف له كتاب للقدرات مفييد جداً.✨

• كتاب تحصيل٢ للأقسام العلمية ل أ.فهد البابطين و أ.الجوهرة الشمري📕

نفس الشيء مقسم لأربعة أقسام وبعد كل قسم نماذج لاختبارات سابقة. مفيييد ولكنه مفصل جداً ويعرض كل المعلومات الخاصة بالقسم واااخر شيء التدريبات. سعره ٤٠ ريال💸 من مكتبة جرير.

✨مهم جداً تتصفحوا الكتاب قبل الشراء وتشوفوا هل طريقة العرض تناسبكم أو لا + في مكتبة جرير يوجد قسم خاص لكتب القدرات والتحصيلي وموجود فيه كتب كثيييييرة غير التي ذكرتها✨

• اذا مو حابين انكم تفتحوا كتاب اشتركوا بمنصة نون أكاديمي رهييييبة جداً للقدرات والتحصيلي. احرصوا انكم تشوفوا الفيديوهات اللي ينزلوها وطُرق الحل السريع لأن الوقت شيء جدًا مهم في الاختبار ولازم تدربوا نفسكم تحلوا سريع سريع ولكن بتركيز🌟، المنصة تعمل للمشترك جدول تدريب شخصي إلى أن يكمل جميع المهارات وتم اعتمادها من قبل مركز قياس. لاتفوتكم

• منصة فهد البابطين للتدريب والتعليم مفيدة جداً للقدرات الآن، وقريباً للتحصيلي، وهذا حساب الأستاذ فهد على تويتر @fahad2albabtain

• التجميعاااااتت مهمة جدا وتجي كثير اسئلة نفس الأفكار لأسئلة الأعوام السابقة، تجدوها في تويتر هاشتاقات القدرات والتحصيلي وأيضاً في قوقل ومنها تجميعات بصمة فرح وتجميعات الإبراهيمي وغيرها كثير.

♦️هل لازم أدخل دورة تدريبية؟

لا موشرط، غالباً سعرالدورات غالي والكتب والمواقع والتجميعات تغني عنها في نظري. ولكن هذا مايعارض ان كثير طلاب دخلوا دورات واستفادوا كثير👍🏼